Bahay sa Balete, natupok

Walang naisalbang gamit ang pamilya Nemis matapos masunog ang tinitirhang bahay sa Brgy. Arcanhel Norte, Balete.

Naganap Ang insidente mga dakong 1:30 kaninang madaling araw.

Ayon kay Rosemarie Nemis, may ari ng bahay, mga dakong 11:00 kagabi ay naiwan sa kanilang bahay ang kanyang 25 taong gulang na anak na kung minsan ay sinusumpong ng nervous breakdown dahil doon siya natutulog sa bahay ng kanyang anak di rin kalayuan sa nasabing lugar.

Nagulat na lamang umano siya nang makitang nasusunog na ang kanyang bahay kaya kaagad niya itong pinuntahan.

Nakita niya umano ang kanyang anak sa labas ng nasusunog na bahay na umiiyak kaya minabuti niya itong ilayo sa lugar.

Sa ngayon ay patuloy pa ang imbestigasyon ng Balete Fire station.